ಉತ್ತಮ ಪೊಷಕರಾಗಲು 25 ಸೂತ್ರಗಳು

1.ಮಕ್ಕಳು ಜೊತೆಗಿದ್ದಾಗ ಮೊಬೈಲ್‌ನ್ನು ಪಕ್ಕಕ್ಕಿಟ್ಟು ಬಿಡಿ.

2. ಅವರು ಏನು ಹೇಳುತ್ತಿದ್ದಾರೆ ಎಂಬುದನ್ನು ಗಮನವಿಟ್ಟು ಕೇಳಿಸಿಕೊಳ್ಳಿ.

3. ಅವರ ದೃಷ್ಟಿಕೋನ ಹಾಗೂ ಅಭಿಪ್ರಾಯಗಳನ್ನು ಗೌರವದಿಂದ ಒಪ್ಪಿಕೊಳ್ಳಿ.

4.ಅವರ ಜೊತೆ ಸಾಧ್ಯವಾದಷ್ಟು ಮಾತುಕತೆಯಲ್ಲಿ ನಿಮ್ಮನ್ನು ತೊಡಗಿಸಿಕೊಳ್ಳಿ.

5. ಅವರನ್ನು ಗೌರವದಿಂದ ಕಾಣಿರಿ, ಹಾಗೂ ಸದಾ ಅವರನ್ನು ರಚನಾತ್ಮಕವಾಗಿ ಹೊಗಳಿ.

6.ಅವರೊಂದಿಗೆ ಸಂತಸದ ವಿಚಾರಗಳನ್ನು ಹಂಚಿಕೊಳ್ಳಿ.

7. ಅವರ ಸ್ನೇಹಿತರ ಬಗ್ಗೆ ಹಾಗು ಅವರಿಷ್ಟಪಡುವ ವ್ಯಕ್ತಿಗಳ ಬಗ್ಗೆ ಒಳ್ಳೆಯ ಮಾತಾಡಿ.

8.ಅವರು ಮಾಡಿದ ಒಳ್ಳೆಯ ಕೆಲಸಗಳನ್ನು ನೆನಪಿನಲ್ಲಿಡಿ.

9.ಅವರು ಹೇಳಿದ ವಿಷಯವನ್ನೇ ಪದೇ ಪದೇ ಹೇಳುತ್ತಿದ್ದರೂ ಮೊದಲ ಸಾರಿ ಕೇಳುತ್ತಿರುವಂತೆ ಕುತೂಹಲದಿಂದ ಆಲಿಸಿ.

10 ಗತಿಸಿ ಹೋದ ಕಹಿ ನೆನಪುಗಳನ್ನು ಪದೇ ಪದೇ ಜ್ಞಾಪಿಸಬೇಡಿ.

11. ಅವರ ಉಪಸ್ಥಿತಿಯಲ್ಲಿ ಅವರಿಗೆ ಉಚಿತವಲ್ಲದ ಸಂಭಾಷಣೆ ಬೇಡ.

12 ಮಕ್ಕಳ ಸಣ್ಣ ಪುಟ್ಟ ಸಾಧನೆಯನ್ನು ಹಬ್ಬದಂತೆ ಆಚರಿಸಿ ಉಡುಗೊರೆ ಕೊಡಿ.

13. ಅವರ ಆಲೋಚನೆ, ಅಭಿಪ್ರಾಯಗಳನ್ನು ಅಲ್ಲಗಳೆಯಬೇಡಿ.

14.ಅವರು ಮಾತನ್ನು ಆರಂಭಿಸುವಾಗಲೇ ಬಾಯಿಮುಚ್ಚು ಎಂದು ತಡೆಯಬೇಡಿ.

15. ಅವರಿಗೆ ನಾಯಕತ್ವದ ಅವಕಾಶಗಳನ್ನು ನೀಡಿ.

16. ಅವರ ಜೊತೆಯಲ್ಲೇ ಸಾಗುತ್ತ ಹೆಜ್ಜೆ ಹೆಜ್ಜೆಗು ಆತ್ಮವಿಶ್ವಾಸ ತುಂಬಿ.

17. ಇತರೆ ಮಕ್ಕಳ ಪ್ರಗತಿಯನ್ನು ಮುಂದಿಟ್ಟುಕೊಂಡು, ನಿಮ್ಮ ಮಕ್ಕಳನ್ನು ಹೀಯಾಳಿಸಬೇಡಿ.

18.ಅವರನ್ನು ಆಸಕ್ತಿಯಿಂದ ಆಲಿಸುತ್ತಿರುವಂತೆ ಇರಲಿ ನಿಮ್ಮ ಭಂಗಿ.

19. ನಿಮ್ಮ ಪ್ರಾರ್ಥನೆಗಳಲ್ಲಿ ಅವರು ಸದಾ ಇರಲಿ.

20. ಅವರ ಸಾಮಿಪ್ಯದಲ್ಲಿ ನೀವು ಬೋರಾದಂತೆ, ಸುಸ್ತಾದಂತೆ ಕಾಣಿಸಿಕೊಳ್ಳಬೇಡಿ. ಲವಲವಿಕೆಯಾಗಿರಿ.

21.ಅವರ ತಪ್ಪುಗಳನ್ನು ಹಂಗಿಸಬೇಡಿ / ಕುಹಕ ನಗೆ ಬೇಡ.

22.ಅವರೊಂದಿಗೆ ಸಂಭಾಷಿಸುವಾಗ ನಿಮ್ಮ ಶಬ್ದಗಳ ಬಗ್ಗೆ ಜಾಗ್ರತೆಯಿರಲಿ. 

23.ಮಕ್ಕಳ ಮುಂದೆ ಕಿತ್ತಾಡಬೇಡಿ. ನಿಮ್ಮಲ್ಲಿ ಸಾಮರಸ್ಯದ ಕೊರತೆಯಿದ್ದರೆ ಅದು ನಿಮ್ಮಲ್ಲೆ ಇರಲಿ

24.ಮಕ್ಕಳು ನಿಮ್ಮ ಜೀವನದ ಅತ್ಯಂತ ಪ್ರಮುಖ ಆದ್ಯತೆಯಾಗಿರಲಿ. 

25.ಮಕ್ಕಳ ಮನಸ್ಸು ವಿಕಸನಗೊಳ್ಳುವ ಕಥೆಗಳನ್ನು ಕೇಳಲು,ನೋಡಲು ಅವರಿಗೆ ಅವಕಾಶ ನೀಡಿ.

 ಅಂತಿಮವಾಗಿ ನಿಮ್ಮ ಗುರಿ, ನಿಮ್ಮಮಕ್ಕಳು ಸತ್ಪ್ರಜೆಯಾಗುವುದಾಗಲಿ.

ಒಮ್ಮೆ ಪ್ರಯ್ನಿಸಿ Teachmint App

 

Dear Teachers
ಅತ್ಯಂತ ತ್ವರಿತವಾಗಿ ಸರಳವಾಗಿ ನಿಮ್ಮ online ತರಗತಿಗಳನ್ನು ಪ್ರಾರಂಭಿಸಬಹುದು.
Download Teachmint App and start taking your live classes in just 2 minutes.
Here's the link👇👇👇
ಒಮ್ಮೆ ಪ್ರಯ್ನಿಸಿ
Click here to Download

Sign up as a Teacher and start teaching, selling courses and connect with other Teachers and also Join the students with *Student ID* with respect to Class and Subject

ಟೋಕಿಯೋ ಒಲಂಪಿಕ್ಸ್ ಗೆ ವರ್ಣರಂಜಿತ ತೆರೆ

ಕ್ರೀಡಾ ಜಗತ್ತಿನ ಮಹೋನ್ನತ ಹಬ್ಬ ಟೋಕಿಯೋ ಒಲಿಂಪಿಕ್ಸ್‌ಗೆ ವರ್ಣರಂಜಿತ ನಯನ ಮನೋಹರ ಸಮಾರಂಭದೊಂದಿಗೆ ಅಂತಿಮ ತೆರೆ ಬಿದ್ದಿದೆ. ೧೬ ದಿನಗಳ ಕಾಲ ನಡೆದ ಕ್ರೀಡಾಕೂಟವು ಸಮಾಪ್ತಿಗೊಂಡಿತು. ಜುಲೈ ೨೩ರಿಂದ ಆಗಸ್ಟ್ ೮ರವರೆಗೆ ನಡೆದ ಒಲಿಂಪಿಕ್ಸ್ ಅನೇಕ ವಿಶ್ವದಾಖಲೆಗಳು ಮತ್ತು ಚಾರಿತ್ರಿಕ ಸಾಧನೆಗಳಿಗೆ ಸಾಕ್ಷಿಯಾಯಿತು. ಸೋಲು-ಗೆಲುವು, ನೋವು-ನಲಿವು, ನಿರಾಸೆ-ಭರವಸೆ ಇವುಗಳ ಒಟ್ಟು ಫಲಿತಾಂಶದಂತಿದ್ದ ಟೋಕಿಯೋ ಕ್ರೀಡಾ ಕುಂಭಮೇಳ ಉದಯೋನ್ಮುಖ ತಾರೆಯರಿಗೂ ಸ್ಛೂರ್ತಿಯ ಚಿಮ್ಮು ಹಲಗೆಯಾಯಿತು.

ಆಸ್ಟ್ರೇಲಿಯಾದ ಮತ್ಸ್ಯ ಕನ್ಯೆ ಎಮ್ಮಾ ಮ್ಯಾಕಿೋಂನ್ ಈಜು ಸ್ಪರ್ಧೆಯ ವಿವಿಧ ವಿಭಾಗಗಳಲ್ಲಿ ಒಟ್ಟು ಏಳು ಪದಕಗಳನ್ನು ಗಳಿಸಿ ನೂತನ ವಿಶ್ವದಾಖಲೆ ಸೃಷ್ಟಿಸಿದ್ದು ವಿಶೇಷವಾಗಿತ್ತು. ಭಾರತದ ಚಿನ್ನದಂಥ ಮಗ ನೀರಜ್ ಚೋಪ್ರಾ ಈ ಕ್ರೀಟಾ ಹಬ್ಬದಲ್ಲಿ ಭಾರತಕ್ಕೆ ಜಾವೆಲಿನ್ ಎಸೆತದಲ್ಲಿ ಬಂಗಾರದ ಉಡುಗೊರೆ ನೀಡಿ ಐತಿಹಾಸಿಕ ದಾಖಲೆ ಬರೆದರು.

ಹಿಂದಿನ ಒಲಿಂಪಿಕ್ಸ್ ಕ್ರೀಡಾಕೂಟಗಳಿಗೆ ಹೋಲಿಸಿದಲ್ಲಿ ಭಾರತದ ಸಾಧನೆ ಗಮನಾರ್ಹ. ಇದೇ ಮೊದಲ ಬಾರಿಗೆ ಭಾರತ ಸಪ್ತಪದಕಗಳೊಂದಿಗೆ ಅತ್ಯುತ್ತಮ ಪ್ರದರ್ಶನ ನೀಡಿದೆ

ಬ್ರೆಜಿಲ್‌ನಲ್ಲಿ ನಡೆದ ೨೦೧೬ರ ರಿಯೋ ಒಲಿಂಪಿಕ್ಸ್‌ನಲ್ಲಿ ಭಾರತ ಒಂದು ಬೆಳ್ಳಿ ಸೇರಿದಂತೆ ಕೇವಲ ಎರಡು ಪದಕಗಳನ್ನು ಗಳಸಲಷ್ಟೇ ಶಕ್ತವಾಗಿತ್ತು. ಈಗ ಭಾರತದ ಸಾಧನೆ ಅಂತಾರಾಷ್ಟ್ರೀಯ ಮನ್ನಣೆಗೆ ಪಾತ್ರವಾಗಿದೆ. ವೇಟ್ ಲಿಫ್ಟರ್ ಮೀರಾಬಾಯಿ ಚಾನು ಮತ್ತು ಕುಸ್ತಿ ಪಟು ರವಿಕುಮಾರ್ ದಹಿಯಾ ಅವರ ಬೆಳ್ಳಿ ಸಾಧನೆ ಹೆಮ್ಮೆಪಡುವಂಥದ್ದು. ಇದರ ಜೊತೆಗೆ ಬ್ಯಾಡ್ಮಿಂಟನ್ ಆಟಗಾತಿ ಪಿ.ವಿ.ಸಿಂಧು, ಬಾಕ್ಸರ್ ಲವ್ಲೀನಾ ಬೋರ್ಗೆಹೈನ್, ಪುರುಷರ ಹಾಕಿ ತಂಡ ಮತ್ತು ಕುಸ್ತಿಪಟು ಭಜರಂಗ್ ಪುನಿಯಾ ದೇಶಕ್ಕೆ ಕಂಚು ಪದಕ ದಕ್ಕಿಸಿಕೊಟ್ಟು ಗಮನಸೆಳೆದರು.

ನಾಲ್ಕು ದಶಕಗಳ ಬಳಿಕ ಪುರುಷರ ಹಾಕಿ ತಂಡದ ಸಾಧನೆ ಪುನರಾವರ್ತನೆ ಮಾಡುವಲ್ಲಿ ವಿಫಲರಾದ ಭಾರತ ವನಿತೆಯರ ವಿರೋಚಿತ ಸೋಲು ಕಂಡರೂ ಉತ್ತಮ ಪ್ರದರ್ಶನದೊಂದಿಗೆ ದೇಶದ ಮೆಚ್ಚುಗೆಗೆ ಪಾತ್ರವಾದರು. ಮಹಿಳೆಯರ ಗಾಲ್ಛ್ ಪಂದ್ಯದಲ್ಲಿ ಬೆಂಗಳೂರಿನ ಹುಡುಗಿ ಅದಿತಿ ಅಶೋಕ್ ಕೂದಲೆಳೆ ಅಂತರದಲ್ಲಿ ಕಂಚು ಪದಕದಿಂದ ವಂಚಿತರಾಗಿ ೪ನೇ ಸ್ಥಾನ ಗಳಿಸಿದ್ದು ಕೂಡ ಅಮೋಘ ಸಾಧನೆಯೇ. ಈ ಸ್ಥಾನಕ್ಕೇರಿದ ಭಾರತದ ಪ್ರಥಮ ಮಹಿಳಾ ಗಾಲ್ಛರ್ ಎಂಬ ಹೆಗ್ಗಳಿಕೆಗೆ ಅದಿತಿ ಪಾತ್ರರಾದರು.

ಈ ಬಾರಿ ಪದಕ ಪಟ್ಟಿಯಲ್ಲಿ ಅತಿ ಹೆಚ್ಚು ಬಂಗಾರದ ಪದಕಗಳನ್ನು ಗೆಲ್ಲುವುದರೊಂದಿಗೆ ಅಮೆರಿಕ ಅಗ್ರಸ್ಥಾನದಲ್ಲಿದೆ. ಚೀನಾ, ಜಪಾನ್, ಬ್ರಿಟನ್ ಮತ್ತು ರಷ್ಯಾ ನಂತರದ ಸ್ಥಾನಗಳಲ್ಲಿದೆ.

ಜುಲೈ ೨೩ರಂದು ಜಪಾನ್ ಚಕ್ರವರ್ತಿ ನರುಹೀಟೋ ಚಾಲನೆ ನೀಡಿದರು. ವಿವಿಧ ದೇಶಗಳ ಭವ್ಯ ಇತಿಹಾಸ ಮತ್ತು ಸಾಂಸ್ಕೃತಿ ಪರಂಪರೆಗಳನ್ನು ಸಾರುವ ಚಿತ್ತಾಕರ್ಷಕ ಕಾರ್ಯಕ್ರಮಗಳೊಂದಿಗೆ ಉದಯರವಿ ನಾಡು ಜಪಾನ್ ರಾಜಧಾನಿ ಟೋಕಿಯೋ ನಗರಿಯ ಒಲಿಂಪಿಕ್ಸ್ ಕ್ರೀಡಾಂಗಣದಲ್ಲಿ ೩೨ನೇ ಒಲಿಂಪಿಕ್ಸ್ ಕ್ರೀಡಾಕೂಟ ವಿಧ್ಯುಕ್ತವಾಗಿ ಚಾಲನೆಗೊಂಡಿತು. ಒಟ್ಟು ೨೦೮ ದೇಶಗಳು ಪ್ರತಿನಿಧಿನಿಧಿಸಿದ್ದ ಟೋಕಿಯೋ ಒಲಿಂಪಿಕ್‌ನಲ್ಲಿ ೩೩ ಕ್ರೀಡೆಗಳು ನಡೆದು ಒಟ್ಟು ೧೫,೪೦೦ ಸ್ಪರ್ಧಿಗಳು ಪದಕಗಳಿಗಾಗಿ ತೀವ್ರ ಪೈಪೋಟಿ ನಡೆಸಿದ್ದರು. ಭಾರತದ ೧೨೭ ಕ್ರೀಡಾಪಟುಗಳು ತಮ್ಮ ಶಕ್ತಿ-ಸಾಮರ್ಥ್ಯವನ್ನು ಪಣಕ್ಕೊಡ್ಡಿದ್ದರು.

ಈ ಸಮಾರಂಭದಲ್ಲಿ ಕ್ರೀಡಾ ಧ್ವಜವನ್ನು ೨೦೨೪ರ ಒಲಿಂಪಿಕ್ಸ್ ಕ್ರೀಡಾಕೂಟದ ಅತಿಥ್ಯ ವಹಿಸುವ ಫ್ರಾನ್ಸ್‌ಗೆ ನೀಡಲಾಯಿತು. ಇದೇ ತಿಂಗಳು ೨೪ರಿಂದ ಆರಂಭವಾಗಲಿರುವ ಪ್ಯಾರಾಂಪಿಕ್ಸ್‌ಗೂ ಟೋಕಿಯೋ ಅತಿಥ್ಯ ವಹಿಸಲಿದ್ದು, ಭಾರತದ ಸ್ಪರ್ಧಿಗಳೂ ಸಹ ಪದಕಗಳಿಗೆ ಸೆಣಸಲಿದ್ದಾರೆ.

Way of Possibilities

ಚಿನ್ನದ ಹುಡುಗ ನೀರಜ್​

 

ನೀರಜ್ ಚೋಪ್ರಾ 

              ಭಾರತದ ಸ್ಟಾರ್ ಜಾವೆಲಿನ್ ಎಸೆತಗಾರ ನೀರಜ್ ಚೋಪ್ರಾ ಒಲಿಂಪಿಕ್ಸ್ ನಲ್ಲಿ ಶನಿವಾರ ನಡೆದ ಪುರುಷರ ಜಾವೆಲಿನ್ ಥ್ರೋ ಸ್ಪರ್ಧೆಯ ಫೈನಲ್ ನಲ್ಲಿ ಅತ್ಯಮೋಘ ಪ್ರದರ್ಶನ ನೀಡಿ ಚಿನ್ನದ ಪದಕ ಜಯಿಸಿ ಇತಿಹಾಸ ನಿರ್ಮಿಸಲಾಗಿದೆ.

ನೀರಜ್ ಚೋಪ್ರಾ ಅವರು ಶೂಟರ್ ಅಭಿನವ್ ಬಿಂದ್ರಾ (2008) ನಂತರ ವೈಯಕ್ತಿಕ ವಿಭಾಗದಲ್ಲಿ ಒಲಿಂಪಿಕ್ಸ್ ನಲ್ಲಿ ಚಿನ್ನದ ಪದಕ ಮುಡಿಗೇರಿಸಿಕೊಂಡ ಎರಡನೇ ಭಾರತೀಯನೆಂಬ ಹೆಗ್ಗಳಿಕೆಗೆ ಪಾತ್ರರಾದರು.

ಚೋಪ್ರಾ ತನ್ನ ಎರಡನೇ ಪ್ರಯತ್ನದಲ್ಲಿ 87.58 ಮೀ.ದೂರಕ್ಕೆ ಜಾವೆಲಿನ್ ಎಸೆದಿದ್ದು, ಇದು ಫೈನಲ್ ನಲ್ಲಿ ಅವರ ಶ್ರೇಷ್ಠ ಪ್ರದರ್ಶನವಾಗಿತ್ತು. ಈ ಪ್ರದರ್ಶನವೇ ಅವರಿಗೆ ಚಿನ್ನದ ಪದಕ ತಂದುಕೊಟ್ಟಿತು.

ಹರ್ಯಾಣದ ಪಾಣಿಪತ್ ಸಮೀಪದ ಖಂಡ್ರಾ ಗ್ರಾಮ 23 ವರ್ಷದ ರೈತನ ಮಗ ಅಥ್ಲೆಟಿಕ್ಸ್ ಜಗತ್ತನ್ನು ಅಚ್ಚರಿಗೆ ಕೆಡವಿದರು.

ಒಲಿಂಪಿಕ್ಸ್ ನಲ್ಲಿ ಇಂದು ಭಾರತದ ಪಾಲಿಗೆ ಸಂಭ್ರಮದ ಕ್ಷಣ. ಜಾವಲಿನ್ ಎಸೆತದಲ್ಲಿ ಹರಿಯಾಣ ಮೂಲದ ನೀರಜ್ ಚೋಪ್ರಾ ಚಿನ್ನದ ಪದಕ ಗೆದ್ದು ಐತಿಹಾಸಿಕ ಸಾಧನೆ ತೋರುತ್ತದೆ. ಒಲಿಂಪಿಕ್ಸ್ ಅಥ್ಲೆಟಿಕ್ಸ್ ನಲ್ಲಿ ಭಾರತಕ್ಕೆ ಮೊಟ್ಟಮೊದಲ ಬಾರಿಗೆ ಸ್ವರ್ಣ ಪದವನ್ನು ತಂದು ಕೊಟ್ಟ ಕೀರ್ತಿ ನೀರಜ್ ಗೆ ಸಲ್ಲುತ್ತೆ.

ಚಿನ್ನದ ಹುಡುಗ ನೀರಜ್ ಗೆ ದೇಶೀಯ ಅಭಿನಂದನೆಗಳ ಮಹಾಪೂರವೇ ಹರಿದು ಬರುತ್ತಿದೆ. ಜೊತೆಗೆ ಸರ್ಕಾರವೂ ಬಹುಮಾನ ಘೋಷಿಸಿದೆ. ಪ್ರಧಾನಿ ನರೇಂದ್ರ ಮೋದಿ ಅವರು, 'ಟೋಕಿಯೋ ಒಲಿಂಪಿಕ್ಸ್ ನಲ್ಲಿ ಭಾರತ ಇತಿಹಾಸ ಬರೆದಿದೆ. ನೀರಜ್ ಚೋಪ್ರಾ ಅವರ ಇಂದಿನ ಸಾಧನೆ ಅವಿಸ್ಮರಣೀಯ. ಅವರ ಸಾಧನೆ ಮತ್ತು ಉತ್ಸಾಹ ಎಲ್ಲರಿಗೂ ಪ್ರೇರಣೆ. ಚಿನ್ನ ಗೆದ್ದ ನೀರಜ್ ಅವರಿಗೆ ಅಭಿನಂದನೆಗಳು 'ಎಂದು ಟ್ವೀಟ್ ಮಾಡಿದ್ದಾರೆ.

'ನೀರಜ್ ಸಾಧಾನೆ ಇತಿಹಾಸ ಸೃಷ್ಟಿಸಿದೆ' ಎಂದು ರಾಷ್ಟ್ರಪತಿ ರಾಮನಾಥ್ ಕೋವಿಂದ ಅವರು ಪ್ರಶಂಸಿಸಿದ್ದಾರೆ.

'ಜಾವೆಲಿನ್ ಥ್ರೋನಲ್ಲಿ ಚಿನ್ನ ಗೆಲ್ಲುವ ಮೂಲಕ ಇತಿಹಾಸ ಸೃಷ್ಟಿಸಿದ ನೀರಜ್ ಚೋಪ್ರಾ ಅವರಿಗೆ ಹೃತ್ಫೂರ್ವಕ ಅಭಿನಂದನೆಗಳು. ದೇಶಕ್ಕೆ ಒಂದು ಹೆಮ್ಮೆಯ ಕ್ಷಣ ... 'ಎಂದು ಕರ್ನಾಟಕ ಸಿಎಂ ಬಸವರಾಜ ಬೊಮ್ಮಾಯಿ ಅವರು ಟ್ವೀಟ್ ಮಾಡಿದ್ದಾರೆ.

ಚಿನ್ನದ ಹುಡುಗ ನೀರಜ್ ಗೆ ದೇಶೀಯ ಅಭಿನಂದನೆಗಳ ಮಹಾಪೂರವೇ ಹರಿದು ಬರುತ್ತಿದೆ. ಜೊತೆಗೆ ಹರಿಯಾಣ ಸರ್ಕಾರ 6 ಕೋಟಿ ರೂಪಾಯಿ ಬಹುಮಾನ ಘೋಷಿಸಿದೆ.